ULA LUPA!! PEMILIHEN SERAYAN GBKP RG. BATU AJI 2014-2019

Mari sigunaken hak pilihta

Lanai ndekahsa enggo ka seh paksana silakoken me pemilihen Pertua ras Diaken i belang-belang GBKP enda, bagepe i Runggun GBKP Batu Aji proses demi proses tahapen pemilihen enggo ilaksanaken mulai pemilihen bakal calon ibas sektor (PJJ) nari, seh me nangdangi proses pemilihen secara bersama ibas gereja sibakal ilaksanaken ibas Minggu, 06 April 2014 sireh. 

Bagi nggo sieteh, maka periodisasi pemilihen enda ilakoken ibas gerejanta 5 tahun sekali, alu sada  tujun maka lit min penyegaren ibas serayan e. Pertua ras Diaken eme serayan si ipilih Dibata erkelang-kelangken
perpulungenNa, merupaken pelayan khusus ibas gerejanta. Emaka ibas perdalinen (proses) si terjadi, man banta kerina perpulungen gelah ngasup kita ngergakenca. Ertina, secara sedar tah la sedar banci saja terjadi arah pengerana tah perbahanenta peturah proses e lanai meherga. Bagepe adi nggo terpilih sekalak temanta, tetaplah ras-ras kita ndukung pelayanenna.

 

Merincuh kita jadi serayanNa e merupaken hal si iarapken Tuhan. Tapi tentuna perlu si gejab, maka labo saja arah jadi Pertua ras Diaken maka banci kita ngelai i Peken Anggur Tuhan. Banci saja arah jadi anggota ngawan perpulungen pe kuh nge banci sibahan. Arah enda ateta ngataken, dikune kita merincuh tapi langa ka seh paksana kita terpilih jadi Pertua ras Diaken, la ka bo e erbahanca kita lanai tutus ku gereja, entah si paling bahaya sitadingken ka gerejanta ibas kita nuduhken rasa kecewa. Perlu kita megermet, maka lit paksana kita ipake Tuhan ras lit ka paksana nggo arus si tangtangi jabaten e. 

Pertua tah Diaken bali nge “kadarna“, labo siganjang teruken. Umpamana, tah lit pengakap maka ganjangen jabaten Pertua asa Diaken, emaka adi paksa genduari e ia  ngelai sebage Pertua, ibas pemilihen enda kari terpilih ia jadi sekalak Diaken, labo berarti “turun kelas“ atau  sebalikna, paksa gundari kita jadi Diaken, emaka ibas pemilihen enda terpilih jadi Pertua, labo berarti “ naik kelas“. Alu kata sideban ateta ningetken maka meherga ras meriah min siakap adi ibas jabaten siapai pe i percayaken Dibata man banta guna sidahiken.

Ibas proses pemilihen Pertua ras Diaken biasana ibahan lebe pencalonen ibas PJJ/sektor nari. Calon enda kelipaten dua asa iperluken ibas sektor, emaka lit nomor urut rikutken buena sorana ibas sektor e. Perlu sigejab maka nomor urut piga pe kita ibas calon e, e merupaken pilihen Dibata. Labo lit istilah “pendamping“ (si ndampingi), entah “guna ndemi saja“ (gelah nggo dem calon e). Sebab labo tertutup kemungkinen maka nomor urut si terakhir kita ibas pencalonen sektor nari, banci terpilih nge kita ibas pemilihen secara runggun. Alu kata sideban ateta ngataken maka, bicara sitik tah mbue soranta kerina nge e arus iergai.

Meriah kel ukurta adi perdalinen tah proses pemilihen Pertua ras Diaken periode 2014-2019 enda banci erdalin alu mehuli. Tentuna enda banci terjadi erkiteken kerina kita ngawan perpulungen ija pe kita ringan banci alu ras-ras ikut  ndukung ras mensukseskenca. Caranta guna  ndukung eme arah litna penggejaben maka meherga kel dahin enda, ras dahin enda eme dahin Dibata. Alu bage maka labo lit hakta selaku manusia guna nukang-nukangisa, tah encedakenca. Adi sukses ras erdalan alu mehuli, si terpilih pe meriah ukurna, si milih pe malem atena. Dibata pe ermulia.

Kirim Komentar

BAHAN KHOTBAH, MINGGU 16 MARET 2014 (Passion III - Reminiscere)

(Minggu Passion III, Reminiscere, inget min perkuah ate-Ndu o Tuhan)
Tema: “Kita rembak ras Dibata arah kinitekenta, labo pemetehta”
Introitus: Roma 1:17 

Ogen: Roma 4:1-5; 13-17 

Khotbah: Johanes 3:1-17

Ide Sentral Teks:

1. Kalak si rembak ras Tuhan erkiteken kinitekenna, nggeluh me ia.
2. Manusia iperembakken ras Dibata labo erkiteken gegeh, beluh ntahpe ndalanken undang-undang, tapi erkiteken kinitekenna ija Dibata jine kap si enggo ngerembankken diriNa man manusia.
3. Kerehen Yesus Kristus ku doni enda eme lako nehken keselamaten man kerina kalak si tek man baNa janah Ia reh lako jadi Hakim man kerina isi doni enda emaka keselamaten e hanya lit ibas Yesus Kristus, Hakim si labo ngukum tapi si mereken keterkelinen.

I. Bena Kata

 
Perayaken geluh manusia eme kuga gelahna banci ndatken pemeteh, jabaten, kinibayaken, gelar termurmur ras sidebanna. Emaka lit kuan-kuan ngatakenca,“senang nggeluh ibas doni enda, mate pagi masuk surga ka“.
Sada pihak lit nge perpayona kai sijadi perayaken manusie enda. Tapi adi sigargari terdauhen, bias kin man manusia bicara idatsa gia kerina kai si jadi perayakenna ndai? Tentu lang! Ternyata lit si lebih penting si arus ibahan manusia eme kuga gelahna kegeluhenna, pendahinna, usahana, masa depanna tetap terjamin eme alu ngerembakken dirina ras Tuhan si nepa ia. Banci kin manusia ngerembakken dirina ras Tuhan bege-bage saja? Tentu lang! Sebab Dibata nge leben si ngerembakken diriNa man manusia, emaka irespons manusia ndai alu ngerembakken dirina ras Tuhan arah kinitekenna. Emaka pada hakikatna kerembakenta ras Tuhan labo erkiteken pemeteh, erta, jabatenta tapi arah kinitekenta.

II. Penjelasen

 
1. Pengajaren ras pelayanen Yesus mereken dampak simbelin man kerina kalak si langsung naksiken kai siibahanNa. Pengaruhna la hanya masyarakat biasa si mengalami kuasa mujizat Yesus (si sakit ipepalem, si pentang erpengidah, si cempang erdalan, si selueken setan ipulahi, si mate ipegeluh mulih, si ceda ate i apuli) tapi pe pe ngkenai sekalak tokoh agama yahudi si tergelar Nikodemus. Kuga sedekah enda kita merespons pengajaren Kata Dibata si ibegi, ioge, iidah alu matanta jine? Apakah lit dampakna man banta? Atau hanya biasa-biasa saja? La lit bedana.

2. Perjumpan siilakoken Nikodemus alu erbuni-buni, mbuka wawasen si mbaru man bana kerna kuga kin arusna sesekalak si igelari bangsa pilihen Dibata banci ngaloken kegeluhen sirasa lalap (kinirajan Dibata) si labo kepeken bias terjeng ndalanken undang-undang Musa bagepe undang-undang sidebanna. Tapi lit sipaling hakiki eme arus ipetubuh peduakaliken.
Kalak si tek enggo ipetubuh pedua-kaliken arah pendahin Kesah Sibadia tupung ngaloken tanda peridin si erbanca kita tek man baNa. Arah kinitekenta perlu si jaga statusta enda gelah banci sialoken geluh sirasa lalap. Emaka wawasen pemetehta kerna kata Dibata pe perlu sitambahi rusur gelah si tandai Tuhan alu payo.
 

3. Nikodemus si awalna meraguken kai siikataken Yesus e (la masuk akalna) dungna ngangkaisa ras ngaloken Yesus ibas geluhna. Ketedehen ate Nikodemus, guna nandai Yesus ras pengajarenNa mbereken hasil/buah man bana sebab Yesus njelasken makna "tubuh peduakaliken“e alu bahasa si banci iangkaina. Sadar ntah lang ibas geluhta mekatep nge kita naksiken perbahanen-perbahanen Tuhan simbelin si maun-maun erbanca kita kemamangen. Kalak si lalap metedeh atena nandai kuasa ras keleng ate Tuhan, tentu iangkaina nge kai kin erti setiap kejadin siialamina ibas geluhna.
 

4. Kerehen Yesus ku doni enda menembus batas-batas (bahasa, budaya, warna kulit, status soial rsd) si lit ibas manusia. Kalak si tek man Yesus, pasti terkelin, sebab enggo keri kal ialemi Dibata dosa-dosana; enggo ijadiken Dibata manusia jadi anak-anakNa. Doni enda lanai bo banci selamat adi la kin arah Yesus, janah keselamaten e labo lit ibas kai ras ise pe. KerehenNa guna nelamatken labo guna ngukum manusia, emaka tergantung kuga respons manusia ndai ngaloken kerehenNa. Keselamaten siialoken kita labo guna dirinta jine tapi pe guna kalak sideban. Malem ateta sebab Kristus enggo nelamatken kita. Tetaplah kita ernalem man baNa saja. Ula sidayaken kinitekenta e alu hal-hal doni. Kinitekenta erbanca kita rembak ras Tuhan dingen ngasup nulak sura-sura doni.
 

5. Temanta ngataken,“Kita rembak ras Dibata arah kinitekenta labo arah pemetehta“. Kata rembak ngataken maka lit hubungen si khusus, si saling mengenal dingen rusaha njaga hubungen gelah tetap mehuli. Sijadi penungkunen eme apakah kita masih menjaga hubungen kita ras Tuhan gelah tetap mehuli? Sijagalah hubungenta ras Tuhan gelah tetap mehuli. Ula sempat sicedaken ukurNa. Abraham arah ogenta enggo ncidahken buah kinitekenna alu matuhi kerina perentah Tuhan. Bageme pe kita si enggo iperembakken Tuhan ras diriNa, sicidahken ka ibas geluhta maka kita pe rembak ras Ia gelah tuhu-tuhu kita terkelin, bagi nina Introitusta.

III. Penutup

1. Dibata enggo ngerembakken diriNa ras kita arah Yesus Kristus gelah manusia si perdosa banci terkelin.
2. Sicidahken buah kinitekenta alu ngerembakken dirinta ras Tuhan si enggo milih kita. Sijaga lalap hubungenta ras Ia gelah tetap mehuli.
3. Keselamaten ialoken kalak si tek man Yesus, janah e la hanya guna sada bangsa tertentu (dirinta saja) tapi guna kerina tinepaNa.
4. Mari sipakeken pemetehta guna mbabai kita reh rembakna ras Tuhan labo reh dauhna. Metedeh ateta Tuhan arah katana si ioge, si begi ras si idah kita rusur.
5. Kalak si rembak ras Tuhan meteh mehuli dingen ciga atena si la mehuli.

Kirim Komentar

BAHAN PJJ GBKP, 23 FEBRUARI-1 MARET 2014

Tema : Kerja Rani Naksiken Ulih Kesangapen Man Kalak Si Tek.                         

Bilangan 28 : 26-31.

LATAR BELAKANG

Sijadi oratenta sendah eme bagin si la terpisahkan ibas perintah Tuhan. Ibas perintah Tuhan je itetapken gelah bangsa Israel ngerayaken wari raya, janah ibas ngerayaken wari raya lit ketentunna, khususna mpersembahken persembahen. Janah enda harus ijaga ras tetap irayaken bangsa Israel kenca ia bengket i taneh Kanaan. Bagepe segedang-gedang geluhna.

Khusus wari raya rani (kerja rani), isuruh Tuhan gelah bangsa Israel mbaba gandum simbaru iperani ku bas rumah persembahen/pertoton, janah I je ibahan kebaktin. Tujun erbahan kebaktin ras mpersembahken gandum enda eme ngataken bujur, sebab  bangsa Israel tek maka Tuhan tetap ncukupi kerina kebutuhen-kebutuhen bangsa Israel alu  masu-masu jumana.

Ibas kebaktin kerja rani enda bangsa Israel la banci erdahin. La banci erdahin erkite-kiteken wari raya e badia. Emaka bangsa Israel harus tuhu-tuhu mpebadiaken wari raya e alu ngerayakenca.  Perlu siteh wari raya enda, irayaken sada wari saja.

Ibas perayaan wari raya enda, bangsa Israel la saja terjeng mereken persembahan pengataken bujur, tapi mpersembahken persembahen tutungen ras pengalemi dosa. Fungsi persembahen tutungen eme ibas rangka mindo pengalemi dosa ibas dosa-dosa umum sila isengaja, emaka persembahenna berupa biri-biri si la ercacat ntah dua ekor nderapati.

Persembahen enda harus itutung she keri. Adi persembahen pengalemi dosa ertujun guna mindo pengalemi dosa erkiteken dosa khusus si la isengaja. Bentuk persembahen eme adi perpulungen harus ibabana lembu jantan muda, tapi adi sekalak pemimpin  eme kambing jantang. Isamping persembahen enda lit ka persembahen sideban siitetapken Tuhan siharus ipersembahken bangsa Israel paksa pesta kerja Rani e eme buah gandum sipayo ibas tepung nari icampur ras minak Zaitun, bagepe telu kilo ras tep-tep jenggi lembu, dua kilo ras bajar biri-biri. Janah sada kilo ras tep-tep anak biri-biri. Sipat persembahen enda eme sebage tambahan ibas persembahen tutungen, janah harus ilakoken tep-tep wari.

Enda ibahan Tuhan gelah bangsa Israel patuh man Tuhan saja ras nggeluh ibas kebadiaan. Ibas kegeluhen sibage maka bangsa israel ndatken kejuah-juahen sedekah ia tading I tanah Kanaan, sebab lalap kegeluhenna ipasu-pasu Tuhan.

APLIKASI

Kerja Rani ibas gerejanta nggo merupaken sada kalender tahunan si harus ilakoken perpulungen tep-tep tahun. Kerja Rani enda labo terjeng memenuhi kalender kerja GBKP, tapi arah gereja kita ipersingeti ula lupa nandangi pemere ntah pe pasu-pasu Tuhan singgo she man banta. Janah harus sirespon arah kiniteken ibas bentuk kebaktin. Emaka kebaktin kerja rani la banci ilakoken alu meros. Bagepe adi siidah ibas bahan oratenta, makna kerja rani eme selain ngataken bujur man Tuhan, tapi pe gelah dosa-dosanta ialemi Tuhan.

Kita banci erbahan kerja Rani erkiteken simpar pasu-pasu Tuhan man banta, subuk kita siperjuma, bagepe kita sierdahin I kantor ras ibas profesi sideban. Emaka situhuna ibas kita ngelakoken Kerja Rani, I je lit sada kesaksin kerna kesangapen, sebab sibaba alu ukur meriah.

Melala bentuk banci kita ngelakoken kerja rani, sipenting siarihkan ibas runggun gelah kai siibahan kita tama pujin man Tuhan.

Kirim Komentar

BAHAN PJJ GBKP, 16 – 22 FEBRUARI 2014

Tema : Warga GBKP Si Er-kualitas (2 Tesalonika 2:13-17

LATAR BELAKANG

Sijadi oratenta sendah eme sada kata motivasi rasul Paulus man perpulungen i Tesalonika, gelah perpulungen Tesalonika nggejapken maka keselamaten singgo ialokenna genduari eme erkiteken rencana Tuhan, labo sada kebutulen, tapi tangtangna nari Tuhan nggo milih perpulungen Tesalonika guna nggeluh ibas keselamaten. Erkiteken sie me pendilo Tuhan man perpulungen Tesalonika arah Berita SiMeriah siibaba paulus ibas penginjilenna. Ibas erti kata ibas penginjilan Paulus maka perpulungen Tesalonika nggo tek man Yesus Kristus. Jadi memang labo secara kebutulan, tapi kenca Paulus itangkap Tuhan jadi serayanNa, maka isuruh Tuhan Paulus guna Mberitaken Berita Si Meriah man kalak si labo kalak Yahudi (band. Perbahanen 9:15).

Erkiteken perpulungen ipilih ras iselamatken guna nggeluh ibas pinpinen Kesah Si badia ras nggeluh ibas kebenaren, maka iajuk Paulus gelah perpulungen Tesalonika tetap njemak ajaran – ajaran singgo iajarkenna man perpulungen subuk arah lisan bagepe arah tulisan (surat) gelah kebenaren situhu-tuhu tetap nggeluh man perpulungen. Enda ikataken Paulus sebab paksa sie nggo berkembang ajaran si papak, sierbahanca piga-piga anggota perpulungen nggo terpengaruh. Ajaran papak e ngataken maka wari Tuhan nggo reh, erkiteken sie me pia-piga anggota perpulungen lanai nggit erdahin.

Pengajuk sideban siibereken Paulus man Perpulungen Tesalonika eme perpulungen harus tetap tek ras ernalem ibas pengajaren situhu-tuhu. Ajaren siiberitaken Paulus mbaba perpulungen nggeluh megegeh ras tetap erpengarapen man Yesus Kristus ibas kerina kegeluhenna. Emaka ibas tetap tek ras jemak ajaran situhu-tuhu, maka perpulungen la gampang terpengaruh  ku bas ajaran-ajaran sipapak, sierbahanca anggota perpulungen sirang ras Tuhan, ntah pe lanai nggeluh ibas keselamaten singgo ibereken man anggota perpulungen.

Memang ibas ajaran Paulus lit kerna kerehen wari Tuhan, tapi labo berarti wari Tuhan e nggo reh, tapi wari Tuhan e nandangi reh,  janah tanda-tanda kerehen wari Tuhan e nggo lit, sebab kalak singgeluh ibas nimai wari Tuhan “isiksa”, maksudna ndatken perbeben ibas rangka mpertahanken kiniteken (band. 1 Tesalonika 3:4). Tapi erkiteken kebenaren si lit ibas Yesus Kristus maka la perlu perpulungen mbiar ibas kerina e.

Kenca Paulus mereken sada pengangkan kerna kecibal kalak kristen ras mereken sada motivasi man perpulungen Tesalonika, maka iumputi Paulus alu notoken perpulungen gelah perpulungen nggeluh ibas ketetapen ukur ras tetap nggeluh ibas pengarapen gelah anggota perpulungen tetap erdahin ras tetap nuriken kerna simehuli singena ate Tuhan.

APLIKASI

Tahun enda tahun peningkaten kualitas SDM si berkualitas. Sada harapen gelah ibas tahun enda la saja terjeng ertambahna SDM GBKP tapi tambah ka min kualitas anggota GBKP. Sebab kegeluhen gereja sigenduari adi la ertambah ibas kualitas, khususna erkiniteken man Tuhan, gampang kal kita ijolah-joleken pengajaren doni enda, emaka ndabuh kita ku bas dosa.

Adi ateta reh ertambahna kualitasta maka sipaling penting man banta harus kita nggit erlajar ras megiken kata Tuhan. Emaka adi tambah kualitasta, ugapa pe teridah nge ibas kegeluhenta tep-tep wari, janah ernanam man kalak sideban. Maksudna gelah pengaruh gereja i tengah-tengah doni enda semakin tergejap. Lit peranen gereja i tengah-tengah doni enda. Bagepe kerina anggota gereja banci bertahan mengahadapi perubahan-perubahan saman si semakin kompleks. Jadi alu anggota GBKP berkualitas maka gereja GBKP semakin berkualitas ka. Emaka mari kita jadi anggota gereja siberkualitas, emaka mari kita kerina membenahi dirinta ras tetap erlajar guna peningkaten kualitasta, isamping sie ula lupa kita ertoto man Tuhan.

Kirim Komentar

BAHAN KHOTBAH MINGGU, 23 FEBRUARI 2014

Tema: “Metedeh ateku aturendu, gelah ula kuayaki si sea-sea”

Introitus: Mazmur 1:2 

Ogen: 1 Korinti 13:10-13 

Khotbah: Mazmur 119:33-40

 

Ide Sentral Teks: 

1. Kebahagian yang hakiki adalah kesukaan akan taurat
   Tuhan dan merenungkannya siang dan malam.
2. Semuanya pasti lenyap, tetapi kasih kekal, kejarlah itu.
3. Mencintai Taurat Tuhan adalah sumber kebahagiaan.

Perlu kita ketahui dan cermati, bahwa kehidupan didalam dunia ini penuh dengan tawaran-tawaran yang membuat hidup kita binasa. Terkadang memang sangat sulit sekali untuk membedakannya. Seperti pernyataan dalam lagu ini:
 

"Ketika kuhadapai kehidupan ini
Jalan mana yang harus ku pulih
Kutau kutak sanggup
Kutau kutak mampu
Hanya Kau Tuhan yang menggendongku

TanganMu membelaiku
CintaMu memuaskanku
Kau mengangkatku ke tempat yang tinggi .....dst"

Hanya bersekutu dengan Tuhanlah kita sanggup mengabaikan keinginan daging dan dunia ini. Karena kalau tidak hidup dalam kebenaran Firman Tuhan, kita tidak mampu membedakan mana benar , mana salah, mana hitam, mana putih.

Pemazmur sangat tegas mengingatkan kita akan hal ini: mari perhatikan
Mazmur 1: 1- 6
1:1 Berbahagialah orang yang tidak berjalan menurut nasihat orang fasik, yang tidak berdiri di jalan orang berdosa, dan yang tidak duduk dalam kumpulan pencemooh,
1:2 tetapi yang kesukaannya ialah Taurat TUHAN, dan yang merenungkan Taurat itu siang dan malam.
1:3 Ia seperti pohon, yang ditanam di tepi aliran air, yang menghasilkan buahnya pada musimnya, dan yang tidak layu daunnya; apa saja yang diperbuatnya berhasil.
1:4 Bukan demikian orang fasik: mereka seperti sekam yang ditiupkan angin.
1:5 Sebab itu orang fasik tidak akan tahan dalam penghakiman, begitu pula orang berdosa dalam perkumpulan orang benar;
1:6 sebab TUHAN mengenal jalan orang benar, tetapi jalan orang fasik menuju kebinasaan.
 

Ayat 2 yang menjadi Introitus pada khotbah Minggu ini, menyatakan "yang kesukaannya ialah Taurat Tuhan, dan merenungkan Taurat itu siang dan malam"

orang seperti itulah yang mampu untuk tidak hidup seperti orang fasik yang hidupnya sia-sia.
Tuhan Yesus juga berfirman kepada kita dalam Matius 4 : 4 ; Yoh 4:34 Tetapi Yesus menjawab: "Ada tertulis: "Manusia hidup bukan dari roti saja, tetapi dari setiap firman yang keluar dari mulut Allah".
Yohanes 4:34 Kata Yesus kepada mereka: "Makanan-Ku ialah melakukan kehendak Dia yang mengutus Aku dan menyelesaikan pekerjaan-Nya. Godaan, rayuan, jebakkan, tidak akan menjatuhkan kita lagi, selama kita mengutamakan Tuhan dalam hidup kita, setia membaca FirmanNya dan merenungkannya.

Nas Khotbah kita Minggu ini, Mazmur 119 : 33-40
33 Perlihatkanlah, 34 Buatlah aku mengerti, 35 Biarlah aku hidup menurut petunjuk, 36 Condongkanlah hatiku, 37 Lalukanlah mataku dari pada melihat hal yang hampa, 38 Teguhkanlah pada hamba-Mu ini janji-Mu, 39 Lalukanlah celaka yang menggetarkan aku, 40 Sesungguhnya aku rindu kepada titah-titah-Mu, hidupkanlah aku dengan keadilan-Mu.

Melalui penggalan kalimat pada nas ini, Pemazmur hanya mengandalkan Tuhan dalam perjalanan kehidupannya, sehingga hidupnya menjadi berarti, tidak sia-sia. Saudaraku, jemaat Tuhan, hidup ini tidak kekal, semua terbatas, ada saatnya kita menerima penghakiman dari pemilik hidup kita. Hidup seperti apa yang kita akan jalani. Apakah hidup yang tertuju kepada kesia-siaan atau hidup yang berkemenangan. Rancangan Tuhan didalam kehidupan kita agar setiap kita memperoleh kebahagiaan. Marilah , saudaraku yang terkasih, jangan buang buang
waktu, pakailah kesempatan masih tersisa. Hiduplah memberi makna bagi orang lain.
Cintailah Tuhan dalam lakumu. Maka hidupmu akan menjadi indah dan manis.

Kirim Komentar

BAHAN PJJ GBKP 09 – 15 FEBRUARI 2014

Tema : Identitas Kalak Kristen

Nats: Titus 2 : 11-15.

LATAR BELAKANG

Surat man Titus enda eme sada bagin ibas surat pastoral siikirimken Paulus. Tujunna eme

gelah Titus sierdahin i Pulau Kreta tetap megegeh ibas pelayanenna tep-tep wari amin gia

melala ndatken perbeben khususna kerna kiniteken kalak sitek. Bagepe gelah Titus tetap

ndahiken dahin guna ngajari perpulungen bagepe serayan Tuhan si lit i je gelah tetap dahiken 

dahin Tuhan alu erpalasken pengajaren singgo iajarken Paulus. Bagepe gelah Titus tetap ibas

motivasi  melayani, gelah la lit simapas man Titus. 

Ibas pengelayasi Paulus man Titus enda, iajarken Paulus kerna inti kiniteken kalak kristen eme

lias ate Tuhan sinelamatken kerina manusia. Janah enda kerina nggo tangkas ibas diri Yesus

Kristus. Sebab Dibata sierkeleng ate man manusia reh i tengah-tengah doni enda ibas rupa

manusia eme Yesus Kristus, janah mate ras keke ibas simate nari guna keselamaten kerina

manusia. Intina, ibas keselamaten siibereken Tuhan man manusia berarti Tuhan mbebasken

manusia ibas kuasa dosa ras kuasa sijahat nari.

Perbahanen lias ate Dibata e man manusia ngajari manusia guna nadingken kegeluhen si la

ngena ate Tuhan. Sebab ibas perenungan manusia kerna keselamaten singgo ibereken

Dibata, manusia harus merespon alu nggeluhken kegeluhen singena ate Tuhan. Bagepe ibas

persadan ras Yesus Kristus manusia ndatken sada kepentaren guna tetap nggeluh selaku

manusia singgo iselamatken. Alu bage la sisia-siaken kegeluhen  singgo iselamatken ibas

kegeluhen sitep-tep wari.

Bagepe isingetken Paulus kenca manusia iselamatken arah lias ras perkuah ate Tuhan, maka

kegeluhen manusia sigenduari eme sangana nggeluh ibas pengarapen nimai wari kemalemen

ate. Siimaksudken Paulus sangana nimai wari kemalemen ate eme kerehen Yesus Kristus

sipedua kaliken ku bas doni enda. Ibas kerehen Yesus peduakaliken ibas doni enda eme guna

ngelegi kalak situtus ras tetap nggeluh alu badia gelah bengket ku ingan singgo isikapken

Tuhan (band. Yohanes 14:1-3). Emaka enda situhuna sada kata persinget nandangi kerina

kalak sitek man Yesus gelah tetap nggeluh selaku kalak singgo ngaloken perkuah ate Tuhan.

Titus gia nguda denga, tapi selaku serayan Tuhan, Titus harus pang ngajarken kerna nggeluh

singena ate Tuhan. Kegeluhen selaku kalak sitek harus bermoral. Bagepe la saja terjeng

ngajarisa, tapi pe harus pang mandang anggota perpulungen singelakoken kai si langena ate

Tuhan.  Enda harus ilakoken  Titus gelah kalak kristen i Pulau Kreta nggeluh alu moral simehuli,

sebab paksa sie kegeluhen kalak kristen i Pulau Kreta la ncerminken selaku kalak kristen

singgo iselamatken.   

Mekatep kalak kristen (kita) lupa kerna lias ate Tuhan sinelamatken kita kerina. I ja lias ate Tuhan mereken sada kegeluhen simbaru man banta. Kegeluhen simale eme nggeluh ibas dosa nggo ikuburken ibas kematen Yesus Kristus, emaka kegeluhenta sigenduari eme kegeluhen selaku manusia simbaru. Tapi siidah lit denga kalak kristen sitetap mpraktekken kegeluhen selaku manusia simale. Tentuna enda jadi erkiteken la ia nggit nggeluh ibas pengajaren keselamaten arah lias ate Tuhan, bagepe pengajaren keselamaten singgo isehken gereja Tuhan. Adi bagenda me kegeluhen kalak kristen, tentuna la kap teridah identitas kalak kristen situhu-tuhu. Sebab identitas kalak kristen, ntah pe ia ikataken kalak kristen adi idalankenna simehuli singena ate Tuhan ibas kegeluhenna tep-tep wari. Moral kristiani harus teridah. Alu bage iteh kalak maka kita enda eme sikerajangen Tuhan.

Kirim Komentar

BAHAN PJJ 26 JANUARI - 01 FEBRUARI 2014

Nats: Mazmur 8:1-10

Tema : Seri Kin Manusia Ras Tinepa Dibata Si Deban.

LATAR BELAKANG. 

Sijadi oratenta sendah eme sada puji-pujin man Tuhan kerna kuasa Tuhan simejin ras uga Tuhan mereken sada tanggungjawab man manusia simelebihi tinepa Tuhan sideban. Puji-pujin enda ndarat arah kiniteken pemazmur (Daud) kenca inenna bulan ras bintang singgo itamakan Tuhan i langit. Pemazmur ngenen, situhuna manusia la lit kai pe adi ibandingken ras Tuhan. Manusia la ngasup erbahan bali ras singgo ibahan Tuhan. I ja itamakan Tuhan bulan ras bintang ibas inganna alu mehuli.

Puji-pujin Pemazmur enda, sada pengataken kehamatan janah banci pe pengataken bujur man Tuhan erkiteken Tuhan nggo mereken sada kehamatan simbelin man manusia. Manusia tuhu-tuhu ipake Tuhan jadi alatna i tengah-tengah doni enda.

Tuhu manusia lit kuasa, tapi situhuna kuasa si lit man manusia e Tuhan nge  simerekenca, janah kuasa e ibas rangka ngkuasai ras njagai tinepa Tuhan sideban (band. Kejadin 1:26-28). Emaka situhuna manusia la banci meganjang ukur i lebe-lebe Dibata, tapi sebalikna manusia harus nggeluh alu meteruk ukur, sebab kuasa jadi raja guna merentah tinepa Tuhan sideban e.

Ibas puji-pujin pemazmur enda, la saja sada perenungen kerna ise kin manusia e i lebe-lebe Dibata, tapi pe ngataken kerna kuasa Tuhan ngelebihi kuasa siapai pe ibas doni enda, emaka  Tuhan saja nge sipatut ndatken pujin ras isembah. Tuhan ngenca sipatut ipuji ras isembah, sebab kuasa Tuhan e teridah ibas kerina singgo itepaNa, termasuk bulan ras bintang, jadi sada kemulian tersendiri man Tuhan,  kemulian si la lit bas dibata-dibata sideban. Bagepe iidah pemazmur, kuasa apai pe si lit ibas doni enda la ngasup naluken Tuhan. Erkiteken sie me Kinirajaan Tuhan nteguh la teruhdu, imbang-imbang siatena ngelawan Tuhan, isompel Tuhan me babahna. Ibas erti kata imbang-imbang Tuhan ngerana pe la banci, sebab la lit kai pe siibahanna i tengah-tengah doni enda. Kerina isi doni enda Tuhan ngenca sinjadikenca

Puji-pujin enda iendeken bangsa Israel ibas kebaktin alu tujun gelah bangsa Israel banci ngenen kerna kuasa Tuhan ras tanggungjawab manusia i tengah-tengah doni enda.

APLIKASI 

Manusia ijadiken Tuhan sentudu ras tempasna (band. Kejadin 1:26), bagepe manusia ijadiken Tuhan ibas sada rencanaNa simbelin, eme guna njagai ras ngusahai tinepa Tuhan sideban, erkiteken sie me manusia eme tinepa Tuhan sisempurna. Tapi jadi penungkunen man banta, apakah manusia e seri ras tinepa Tuhan sideban ? Sada aspek, manusia seri ras tinepa Tuhan sideban. Perserina eme manusia ras tinepaNa sideban,  Tuhan kap sinjadikenca ras patuh man Tuhan. Khususna manusia ras rubia-rubia bagepe asuh-asuhen ijadiken Tuhan arah taneh. Tapi ipihak sideban manusia ras tinepa Tuhan sideban la seri. La bo seri eme erkiteken manusia ijadiken Tuhan sentudu ras tempasNa. Bagepe lit sada mandat sikhusus siibereken Tuhan nandangi manusia eme njagai ras ngusahai. Alu bage manusia eme mahkluk sitermulia asangkan makhluk sideban. Erkiteken sie me kecibal manusia berbeda kal ras tinepa Tuhan sideban, khususna ibas cara rukur, bagepe nggeluh i tengah-tengah doni enda. Emaka sada persinget man banta manusia, kegeluhenta ula min bagi tinepa Tuhan sideban (rubia-rubia) eme sikaraten, rsd. Kegeluhen manusia harus nggeluh ibas puji-pujin man Tuhan siteridah ibas kerina aktivitasta.

Kirim Komentar

"TERIDAH DINGEN TERGEJAP" MISI GBKP DI TAHUN 2014

MATIUS 5:13-16 "Teridah Dingen Tergejap" 

5:13 "Bagi sira si seh kal perluna guna pangan, bage pe kam nandangi kerina manusia. Tapi adi sira e lanai masin, lanai banci ibahan masin mulihi. Sira e lanai erguna, e maka iambekken jenari idedehi kalak. 

5:14 Bagi terang si seh kal perluna i bas gelap, bage pe kam nandangi doni enda. Kuta si lit i das uruk la banci lang teridah. 

5:15 Labo isagani kalak lampu kenca bage itutupina alu tumba; tapi itamakenna ku datas nahe pertendangen, gelah terang iakap kalak kerina si lit i bas rumah e. 

5:16 Dage, ersinalsal lah min terangndu i lebe-lebe kalak si nterem gelah adi idahna perbahanenndu si mehuli, ipujina ELOHIM, Bapandu si i Surga."

Tahun peningkatan kuantitas SDM yang berkualitas adalah satu momen untuk GBKP meningkatkan kualitas Sumber Daya Manusia (SDM) secara sinodal, tidak hanya pendeta dan pertua-diaken, namun juga jemaat GBKP secara keseluruhan. “Kiranya tahun ini bukan hanya kuantitas yang semakin meningkat namun juga harus diikuti dengan kualitas yang baik,” tegas Pdt Matius Panji Barus.

Diera kekinian, dimana masih banyak sekali ditemukan permasalahan-permasalahan bangsa, peran pemuda khususnya pemuda Kristen atau GBKP masih sangat diperlukan untuk melepaskan bangsa ini dari jeratan penjajahan kemiskinan, ketidakadilan dan disintegrasi bangsa yang sangat memprihatinkan. Sekaranglah tantangan untuk menjadi Permata GBKP yang kreatif dan mandiri, generasi yang berkarakter dan bermoral kuat, dan generasi yang memiliki kesadaran solidaritas kebersamaan yang tinggi. Generasi yang teruji baik kualitatif maupun kuantitatif, harus lebih baik dari generasi sebelumnya. Itulah kontekstualisasi dari tindakan iman percaya.

Sebagai salah satu bentuk peningkatan SDM, dilakukan juga launcing Sistem Informasi Anggota Jemaat (SIAJ) GBKP mengingat pentingnya setiap runggun untuk memasukkan data jemaatnya ke dalam Sistem Informasi Anggota Jemaat ini. Karena sampai saat ini GBKP belum mempunyai statistik yang benar-benar real. Dengan kehadiran Sistem Informasi Anggota Jemaat ini hal itu dapat dicapai. Dalam kelemahan dan kekurangan GBKP, Tuhan hadir menunjukkan kasihnya. Program gereja harus terus dilanjutkan agar bisa bersaksi demi kebesaran Kristus.
 

Visi utama Peningkatan Kuantitas SDM Yang Berkualitas, menghadirkan jemaat GBKP yang hidup beriman dan berintegritas serta berhikmat. Ketiga hal ini, akan terlihat melalui kepribadian yang kreatif, kritis, mandiri dan berwawasan luas serta profesional, memiliki kepedulian sosial, lingkungan dan beretika moral yang tinggi, memiliki karakter Kristiani, memiliki jiwa kepemimpinan yang siap mengabdi demi sesama, bangsa dan negara serta hidup takut akan Tuhan. (Int)

Kirim Komentar

BAHAN PEKAN PENATALAYANEN GBKP TAHUN 2014

LOGO TAHUN GBKP 2014

Mejuah-juah….. Selamat Tahun Baru.

Ibas bena tahun simbaru enda mulai me kita bengket kubas kegiaten pelayanen ibas gerejanta. Sue ras prioritas program GBKP tahun 2014 enda, bengket me kita kubas Tahun Peningkatan Kwantitas SDM yang Berkwalitas. 

 

Erpalasken si eme Pekan penatalayanen ibas sada minggu enda kita ibabai kubas Thema umum: “Empermuliaken Dibata alu nambahi kalak si pentar ibas GBKP” (Kuan-Kuanen 1:7).

 

 

 

 

1. Pekan Penatalayanen Wari I, 19 Januari 2014

Introitus :“Kalak si la nggit erdahin ola bere man” (II Tesalonika 3:10b)

Ogen : Perbahanen Rasul-Rasul 18:1-11; Khotbah : Kejadin 3:17-19

Thema : “MEJINGKAT ERDAHIN”

2. Pekan Penatalayanen Wari II, 20 Januari 014

Introitus : “La lit kai pe si terligen man Dibata. Kerina si nasa lit tangkas dingen talang i lebe-lebeNa. Man baNa me sipertanggung jabapken kerina perbahanen-perbahanenta” (Heber 4 : 13).

Ogen : Efesus5 : 15 – 17; Khotbah : Pengerana12 : 1 – 7

Thema : “PAKEKEN PAKSA-PAKSA ALU MEHULI”

3. Pekan Penatalayanen Wari III, 21 Januari 2014

Introitus :“Ise ngayaki pemeteh, ikelengina kap dirina, dingen ise si nginget kai si ipelajarina jumpa kap ia si mehulina” (Kuan-kuanen 19:8)

Ogen : Daniel 6:1-10; Khotbah : Markus 1:35-39

Tema : “DISIPLIN NGGELUH”

4. Pekan Penatalayanen Wari IV, 22 Januari 2014

Introitus : “Tep-tep kali kupelajari keputusenNdu alu tutus, kupuji Kam alu ukurku si bersih” (Masmur 119:7)

Ogen : Kuan-Kuanen 2:3-5; Khotbah : Kuan-Kuanen 22:17-21

Tema : “TUTUS ERLAJAR”

 

5. Pekan Penatalayanen Wari V, 23 Januari 2014

Introitus : "Kelengilah Tuhan Dibatandu asa ukurndu, asa tendindu dingen asa gegeh ras kepentarenndu lit; bage pe kelengilah temanndu manusia bagi kam ngkelengi badanndu (Lukas 10:27).

Ogen : Kejadin 1:26-30; Khotbah : Filipi 2:1-4

Thema : “NGGELUH ERGUNA MAN SEKELEWETTA”

6. Pekan Penatalayanen Wari VI, 24 Januari 2014

Introitus : “Kalak si meduit la bias iakapna, kalak erngena ate man erta la pernah I datca kai si isurana. Kerina sia-sia” (Pengerana 5: 10).

Ogen : Jesaya 65:21-23; Khotbah : Pengerana 9:7-9

Tema : “NGENANAMI ULIH LATIH”

  

7. Pekan Penatalayanen Wari VII, 25 Januari 2014

Introitus : “Bagiku tidak ada sukacita yang lebih besar daripada mendengar, bahwa anak-anakku hidup dalam kebenaran ”( 3 Yoh 1:4)

Bacaan : Mazmur 37:23-26; Khotbah : Kejadian 41:44-57

Thema : “NGGELUH ALU BUJUR”

Kirim Komentar