 |
| LAPAS Barelang |
Rabu, 06 November 2013, GBKP Rg. Batu Aji ngelakoken Ibadah ras pe kunjungen nangdangi umat Kristiani Warga Binaan Lapas Barelang. Kebaktian si ibabai Pdt. Maria Br Sitepu enda iprogramken MAMRE janah bekerjasama ras Runggun Gereja bagepe Kategorial MORIA ras PERMATA janah teremna 27 kalak sihadir paksa sie (BP. Runggun, Pertua/Diaken, bagepe MORIA, MAMRE ras PERMATA).
Alu penuh sukacita Dk. Magdalena Br Sembiring mbabai kerina sihadir muji dingen ngataken bujur kempak Dibata sitetap setia ngarak-ngarak kegeluhen manusia ibas katawari paksa pe subuk susah ntah pe senang. Tergejap maka amin gia fisik tertawan (terpenjara) tapi Tuhan tetap setia mereken kemalemen ate nangdangi anak-anakNa sierpengarapen man baNa.
Ibas nehken khotbahna si ibuat ibas Amos 5:6a "Carilah Tuhan, maka kamu akan Hidup", Pdt. Maria mereken penguatan nangdangi kerina Warga Binaan sihadir bahwa ibas keadaan kai pe manusia harus tetap makeken kinitekenna guna erpengarapen man Tuhan simada kegeluhennta. Tuhu la ntabeh nggeluh ibas tahanen siterisolir dari dunia luar, "5 kali pe sada wari man saksang bas ingan enda (lapas-red) lanai kuakap ntabeh, tabehen kuakap man ikan asin darat ah" nina kesaksian salah sada penghuni Lapas. Geluh bas doni enda fana kap, tapi sindarami Tuhan pasti ndatken kegeluhen si kekal sebab kita nggo i materaiken menjadi warga Kinirajan Surga pagi. Sipakeken wari-warinta bas doni enda guna ndarami IA, "gia kam ivonis hukumen mati pe, kam ndatken kegeluhen i Surga pagi sebagai anak-anak kinirajan Dibata adi kam ndarami IA sanga kam nggeluh amin gia kam nggeluh i Lapas enda, janah tutus atendu mindo pengampunen man Dibata".nina Pdt. Maria ndungi isi khotbahna.
Pengalaman menarik guna saling menguatkan sapih-sapih kita manusia sierbage-bage keadaan ras kiniseraan bas doni enda, anak-anak Dibata arus banci jadi kemalemen ate nangdangi sekelewetta bagi sienggo ibahan MAMRE sekali enda. Terkhusus pe nangdangi teman-temannta si paksana menjalani masa hukumen kerna tindakan kejahaten sipernah ilakokenna ndube seh makana perlu ibina gelah mulihi ka jadi mehuli perbahannenna, "Walaupun mereka jahat dimasa lalu, tapi perlakukanlah mereka seperti manusia" endame motto siharus siinget maka kita pe arus mediate sebab ia pe Manusia si perlu penguatan sebab "yang lama sudah berlalu, sesungguhnya yang baru sudah datang" (2 Korintus 5:17c).
MAMRE Erdiate, MAMRE Erpemere!
Pengalaman menarik guna saling menguatkan sapih-sapih kita manusia sierbage-bage keadaan ras kiniseraan bas doni enda, anak-anak Dibata arus banci jadi kemalemen ate nangdangi sekelewetta bagi sienggo ibahan MAMRE sekali enda. Terkhusus pe nangdangi teman-temannta si paksana menjalani masa hukumen kerna tindakan kejahaten sipernah ilakokenna ndube seh makana perlu ibina gelah mulihi ka jadi mehuli perbahannenna, "Walaupun mereka jahat dimasa lalu, tapi perlakukanlah mereka seperti manusia" endame motto siharus siinget maka kita pe arus mediate sebab ia pe Manusia si perlu penguatan sebab "yang lama sudah berlalu, sesungguhnya yang baru sudah datang" (2 Korintus 5:17c).
MAMRE Erdiate, MAMRE Erpemere!
Tidak ada komentar:
Posting Komentar