RENUNGEN MINGGU PENDUNGI TAHUN GEREJA 2013

Minggu, Tgl 24 November 2013

Tema: “Kemenangen man kalak si tek”
Khotbah: 1 Tesalonika 4:13-18

Ide Sentral Teks: 

1. Dibata kap si mada keselamaten.
2. Kalak si ngasup mentasi kiniseran dat kemenangen dingen kemalemen ate i bas kursi kinirajan Dibata perbahan Anak Biri-Biri e tetap jadi sekawalna 
3. Kiniteken man Kristus eme kunci si mabai manusia ku kedamen eme kegeluhen si rasa lalap ras Tuhan. 

PENJELASEN
Surat Tesalonika nuriken kerna uga peranan kiniteken si mabai kalak si tek bengket ku bas kekeken ras kegeluhen si rasa lalap i bas kerehen Tuhan pedua kaliken pepagin. I bas kerehen-Na e pagi kerina kalak si enggo mate iangkut leben, emaka kalak si nggeluh denga, kedungenna ipersada me duana i bas Kerajaan Dibata ras ndatken kegeluhen si rasa lalap. Surat enda itulisken Paulus nandangi perpulungen i Tesalonika perbahan perpulungen Tesalonika sangana ngenanami perbeben, janah menam-menam ia lanai ngangkai kerna uga kin kedungenna kegeluhen kalak si tek. Alu bage ate Paulus nuriken kata enda gelah min kalak Tesalonika tetap paguh kinitekenna, janah siapul-apulen ia aminna pe lit anggota jabuna si enggo idilo Dibata.

Kenca enggo si gargari kerna uga kedungenna kegeluhen kalak si erkiniteken adina ia tek man Dibata, emaka lit piga-piga hal si banci igelem kita tupung kita nggeluhken kegeluhenta i babo doni enda:

1. Nggeluh Erpengarapen ras Megenggeng.  Sakit pinakit nteh perbeben kai gia lit i bas kita paksa enda, tetaplah nggeluh i bas pengarapen, sebab kegeluhen labo terjeng i doni enda ngenca, tapi lit kegeluhen di masa yang akan datang. Ogen si pemena ndai nuriken maka kalak si megenggeng ibas kiniseran nggeluhna me si ndatken kemenangen rasa tan kundul i bas Kursi Kerajaan Dibata.

2. Pegegehi Kiniteken. Kiniteken eme kap kunci si erbahanca kita banci ngaloken kegeluhen si rasa lalap e. Alu bage, kebutuhan rohani harus selalu dipenuhi. Entah uga gia kita “erbebena” tetaplah bahan rembak ras Dibata jadi sada kearusen nggeluh.

3. Radu ras Mpegegehi.  Bahan enda ngajuk kita gelah tetap megenggeng dingen saber I bas erbage-bage kinata kegeluhen si la bagi ukurta sebab kedungenna pagi kita ndatken kemenangen, kemenangen man kalak si tek.